Oh Willie brew'd a peck o' malt and Rob and Allan cam to see;
Three blyther hearts that leelang night. Ye wadna find in Christendie.
We are na fou we're nae that fou but just a drappie in our ee;
The cock my craw the day may daw and aye we'll taste the barley bree.
Here are we met three merry boys. Three merry boys I trow are we,
And mony a night we've merry been and mony may we hope to be!
We are na fou we're nae that fou but just a drappie in our ee;
The cock my craw the day may daw and aye we'll taste the barley bree.
It is the moon I ken her horn. That's blinkin in the lift sae hie
She shines sae bright to wile us hame. But by my sooth she'll wait a wee.
We are na fou we're nae that fou but just a drappie in our ee;
The cock my craw the day may daw and aye we'll taste the barley bree.
Wha first shall rise to gang awa A cuckold coward loun is he!
Wha first beside his chair shall fa'. He is the king among us three.
We are na fou we're nae that fou but just a drappie in our ee;
The cock my craw the day may daw and aye we'll taste the barley bree.