Davy Steele
In the village o' Saut Preston where the Maisters Auld Cadell,
Fur he owns five branders on the forth and the coal tae fire them as well,
Ma faither's taen his oancoast shin just tae feed his bairns and wife,
Aye and whan that bloody deed wis done a wis thirled for a' ma life.
Chorus:
Here's a health tae the sauters and the white gowd they make,
Here's a health tae the sauters that drink in the Land o' Cailes.
Noo aw the sauters ken me and they ca' me Paddock Wull
Fur a wis boo leggit when a wis boarn an bi goad a'm that wie still.
But a kin swim like oany fish that's e'er cam oot the sea
An tae fetch the buckets the furthest oot there's nane as guid as me.
Chorus
An a've manned these pans these last ten years an a've worked as fast as a
can,
Fur every box a sauter fills there's copper in his hand,
But the grieve he is a dowsie raif and he hates us every yin,
Fur he wid make yer level drop sae ye maun dae anither rin.
Chorus
Here's a health tae the saut work smugglers, aye an keep them frae gaugers
hans,
fur they only take what they can spread tae the puir for that hae nane,
Fur they've taxed the saut ower heavy and it shouldna be taxed at aw,
It shouldnae be just for the rich, there's enough here for us aw.
Chorus